Ըստ նրա՝ եվրոպացիներից շատերը Հայաստան այցելության համար օգտագործում են հենց հանգստյան օրերը: «Նախ հարմար է, քանի որ եվրոպական շատ քաղաքներից կան ուղիղ չվերթեր Երևան և երկրորդ` Հայաստանի փոքր տարածքի շնորհիվ կարճ ժամանակահատվածում հնարավոր է լինում այցելել բազմաթիվ տեսարժան վայրեր».- ասաց հոլանդացի փորձագետը:

Գնահատելով հայաստանյան զբոսաշրջային օպերատորների կողմից իրականացվող էլեկտրոնային մարկետինգը՝ Բլոմն արձանագրեց, որ այն առայժմ բիզնեսը հաճախորդին, այլ ոչ թե բիզնեսը բիզնեսին ուղղվածությունն ունի, այսինքն՝ օպերատորների մարկետինգային քաղաքականությունը ուղղված է միայն հաճախորդներ, այլ ոչ թե գործընկերներ գտնելուն:
Հոլանդացի մասնագետն արձանագրեց, որ օպերատորների կայքէջերում պակասում են Հայաստանի տեսարժան վայրերի մասին օնլայն տեսագրությունները, որոնք ընդունված են ողջ աշխարհում:

Անդրադառնաով Հայաստանի հարևան երկրների զբոսաշրջային ռազմավարությանը՝ նա նշեց, որ Վրաստանը, օրինակ, թիրախային խումբ է ընտրել առավելապես երիտասարդներին, և լուրջ գովազդային արշավներ է իրականացնում եվրոպական առաջատար հեռուստաալիքներով: «Հայաստանյան տուրօպերատորները պետք է հստակեցնեն իրենց ակնկալիքները և ըստ դրա համապատասխան գործունեություն ծավալեն համացանցում: Եթե ակնկալում են եվրոպացի զբոսաշրջիկների հոսք` հասանելի լինեն Google -ի կամ Linkedin -ի միջոցով, կամ եթե ակնկալում են զբոսաշրջիկների հոսք Իրանից, հույսը չդնեն միայն, օրինակ, Facebook սոցիալական ցանցի վրա, քանի որ այնտեղ այն օգտագործողների թիվը շատ չէ».- նշեց փորձագետը:

Պատասխանելով Tert.am-ի հարցին, թե արդյոք կարող են լուրջ ակնկալիքներ լինել զբոսաշրջության ոլորտում այն դեպքում, երբ Եվրոպայի երկրների զբոսաշրջային մրցունակության վարկանշային աղյուսակում Հայաստանը զբաղեցնում է վերջին հորիզոնականներից մեկը` Սերբիայի և Մոլդովայի կողքին, փորձագետը պատասխանեց. «Քաղաքական խնդիրներ ունեցող երկիր վերջերս դարձավ նաև Եգիպտոսը, ինչը, չհաշված մի կարճ ժամանակահատված, էականորեն չպակասեցրեց այդ երկիր այցելող զբոսաշրջիկների թիվը»:



Թերթ.am