«Հունիսի 7-ին դատարանը որոշեց, որ տալու է փոխհատուցում` 8 հազար եվրո տան դիմաց, և 4 հազար եվրո` որպես բարոյական վնասի փոխհատուցում: Այսինքն` 12 հազար ընդհանուր», - ասաց փաստաբանը:

Լիզա Գրիգորյանը պնդում է, որ դատարանի առաջարկած փոխհատուցումը չնչին է` իրենք պահանջել էին մոտ 200 հազար եվրո` 133 հազարը բնակարանի դիմաց, մնացածը` որպես երկու դիմումատուների կրած բարոյական վնասի փոխհատուցում. - «Շատ վտանգավոր է դատարանի պատճառաբանությունը, թե քանի որ բնակարանը չկա` հնարավոր չէ կոնկրետ որոշել ինչ արժե, դրա համար որոշում է այդպես»:

Փաստաբանի մեկնաբանությամբ, սա նշանակում է, որ պետությունը կարող է ցանկացած անձի զրկել իր սեփականությունից, քանդել, որից հետո հնարավոր չի լինի այդ բնակարանի իրական գինը որոշել:

«Կստացվի, որ դատարանը ինչ-որ սիմվոլիկ գումար կորոշի, ինչպես որ այս գործով է արել», - դժգոհեց Բուզանդի 9 տան նախկին բնակիչների փաստաբանը:

Պետությունը 2004 թվականին իրացման գոտու բնակիչներին իրենց 26 քառակուսի մետր սեփականության դիմաց առաջարկել է 7 հազար դոլար գումար: Եվս 6 հազար դոլար պետությունը պատրաստ է եղել վճարել բնակարանը արագ ազատելու դիմաց` իբրև խրախուսում: Փաստաբանի պնդմամբ, այդ գումարով 2004 թվականին հնարավոր չի եղել բնակարան գնել, այդ իսկ պատճառով Բուզանդի փողոցի 9 տան բնակիչները հրաժարվել են վերցնել առաջարկվող գումարները:
/Աստղիկ Բեդևյան/


azatutyun.am

Համաներման որոշումը կկիրառվի այն անձանց նկատմամբ, որոնք հանցագործություն են կատարել մինչեւ 2011 թվականի մայիսի 1-ը ներառյալ:

Ազգային ժողովի որոշումը, ըստ կանոնակարգի, ստորագրում է խորհրդարանի ղեկավարը: ԱԺ-ի նախագահ Հովիկ Աբրահամյանը արդեն ստորագրել է համաներման որոշումը: Այն 24 ժամվա ընթացքում կհրապարակվի Հայաստանի Հանրապետության պաշտոնական տեղեկագրում և ուժի մեջ կմտնի հրապարակման պահից:

Համաներման կիրառման ողջ գործընթացը կտևի մինչև սեպտեմբերի 21-ը: Արդարադատության նախարար Հրայր Թովմասյանի խոսքով` այս համաներման արդյունքում պատժից ամբողջությամբ կազատվի մոտ 400 մարդ, եւս 400-ի վրա կտարածվի համաներումը, բայց միայն կկրճատվի նրանց պատժի չկրած մասը. այս թիվը կարող է մոտ 20 տոկոսով փոփոխվել:

Ի պատասխան «Ազատություն» ռադիոկայանի հարցի, թե ե՞րբ կարող են ազատության մեջ հայտնվել առաջին դատապարտյալները, հնարավո՞ր է, որ ընդդիմադիր գործիչների նկատմամբ առաջնային վերաբերմունք դրսեւորվի, արդարադատության նախարար Հրայր Թովմասյանը ասաց, որ անհարկի ձգձգումները բացառված են, սակայն չհստակեցրեց անազատության մեջ գտնվող ընդդիմադիրների նկատմամբ առանձնահատուկ վերաբերմունք կդրսևորվի, թե` ոչ. - «Հիմա պիտի տեսնել` երբ է ուժի մեջ մտնելու, որովհետև 24 ժամ է նախատեսված հրապարակելու համար և հաջորդ օրը ուժի մեջ մտնելու համար, և դրանից հետո ժամացույցը կսկսի աշխատել»:

Հինգշաբթի օրը խորհրդարանում կարծիքներ էին հնչում, ի դեպ` իշխանական Հանրապետական կուսակցության ներկայացուցիչների կողմից, որ մինչեւ մայիսի 31-ը, այսինքն մինչև ընդդիմության հանրահավաքի օրը Սասուն Միքայելյանը և Նիկոլ Փաշինյանը կհայտնվեն ազատության մեջ:

Համաներման այս ակտը կկիրառվի մարտի 1-ի առնչությամբ դատապարտված ընդդիմադիր գործիչների նկատմամբ: Սասուն Միքայելյան և Նիկոլ Փաշինյանի մասով այս տեղեկություն ԱԺ-ում հաստատեց նաև Արդարադատության նախարարը, ով երեկ այդ հարցին կոնկրետ պատասխան չէր տալիս:

«Ես ուրախ եմ, որ համաներումով որոշ խումբ մարդիկ կհայտնվեն ազատության մեջ: Դա մեզ կօգնի ազատվել անցյալի տխուր իրողություններից, բայց և չպետք է հանգստանանք` մտածելով, թե ամեն ինչ ավարտվել է: Մենք որպես հանրություն խնդիր ունենք այնպես կազմակերպելու մեր երկրի ներքին կյանքը, որ լինի իրական քաղաքական երկխոսություն կամ բանավեճ, երբ միմյանց ոչնչացնելը դադարի լինել նպատակ որոշ քաղաքական ուժերի համար, տեսակետների տարբերությունը չթշնամացնի կողմերին», - ասաց Թովմասյանը:

Համաներման որոշմանը ձեռնպահ քվեարկած միակ պատգամավորը ԱԺ նախկին խոսնակ Տիգրան Թորոսյանն էր:

«Եթե խնդիրը վերաբերում էր ընդդիմության և իշխանության հարաբերությունների կարգավորմանը, ապա դա չպետք է ներկայացնել այս մեկ քայլ որպես իրավիճակի բարելավում, երկխոսություն, հանդուրժողականության ձևավորում և այլն: Ցավոք սրտի, արմատները շատ ավելի խորն են, ես չեմ ուզում, որ մենք ինքներս մեզ` նկատի ունեմ պատգամավորներին, կառավարությանը և հատկապես հասարակությանը խաբենք, թե համաներումով նման արդյունքներ ենք ունենալու», - իր որոշումը բացատրեց Թորոսյանը:

Հանրապետական խմբակցության քարտուղար Էդուարդ Շարմազանովը, սակայն, պնդում է, որ այս քայլը միանշանակ կթուլացնի լարվածությունը, իշխանության և ընդդիմության երկխոսության համար լավ հիմքեր կստեղծի. - «Անշուշտ, այստեղ կա և լուրջ հասարակական, ինչպես նաև քաղաքական ենթատեքստ, որովհետև այս համաներման արդյունքում մենք կարող ենք մեղմացնել քաղաքական այն իրավիճակը, որը որ կա, և, անշուշտ, այստեղ կա խնդիր` թե' համերաշխության հետ, թե' ներքաղաքական երկխոսության հետ կապված և թե' առհասարակ հումանիստական արժեքների հետ կապված»:
/Աստղիկ Բեդևյան/


azatutyun.am

Այս գործով, այնցյալ տարի դեկտեմբերին, Սողոյանը անցյալ տարվա հոկտեմբերին ազատ է արձակվել դատարանի դահլիճից եւ վերադարձել է Գյումրի։ Չեխիայի դատախազությունը, ըստ այդ երկրի լրատվամիջոցների հաղորդման, չեն կարծում, որ Անդրանիկ Սողոյանը կամովին կվերադառնա` կանգնելու չեխական արդարադատության առաջ, ուստի անհրաժեշտության դեպքում կարող է Հայաստանի իշխանություններին պաշտոնապես ներկայացնել Չեխիայի հանրապետություն` ամբաստանյալի վերադարձը ապահովելու միջնորդություն:

«Իշխանությունները նախապես հաշվել են, որ Թամամյանը երբեք ավելորդ ցուցմունքներ չի տա: Ավելին` նրա համար միշտ հոդվածներ կպահեն, որոնցով կարող են նրան ցմահ ազատազրկման դատապարտել: Ուստի հիմա նա բանտախցում կմտածի` անդրադառնա՞լ այդ հարցերին և ցմահ ազատազրկման դատապարտվել, թե՞ չանդրադառնալ ու գլուխն ազատել` 10 տարի նստելով: Ավելին` նա գիտի, որ հետո, երբ կրկին ձեռնտու լինի իշխանություններին, իրեն դուրս կհանեն: Ուստի, էլ ինչու հիմիկվանից խոսի Մարտի 1-ի մասին»,- «Առաջին լրատվականի» հետ զրույցում ասաց Գուրգեն Եղիազարյանը:



Աղբյուրը` 1in.am