Կառավարությունը հինգշաբթի հավանություն տվեց «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում այդ փոփոխությանը, քանի որ այդ հնարավորությունից նախկինում կարող էին օգտվել միայն մինչև 2010-ի նոյեմբերի 1-ն իրենց 27-ամյակը տոնած քաղաքացիները:
Պաշտպանության նախարարի խոսնակը հաղորդեց, որ դատապարտությունից խուսափելու համար վճարվող գումարը կախված է մի շարք գործոններից՝ զինակոչիկի չներկայացած զորակոչերի թվից, սոցիալական, ընտանեկան և առողջական վիճակից։ «Այս գործոնները տարբեր չափով ազդում են վճարվող ընդհանուր գումարի չափի վրա։ Եվ տարբեր դեպքերի համար պահանջվող գումարը կարող է լինել բոլորովին այլ»,- նշեց նա։
Դավիթ Կարապետյանը հիշեցրեց, որ 2011թ. մայիսի 1-ից հետո 27 տարեկան դարձածների վրա օրենքը չի տարածվում։
Յուրաքանչյուր զորակոչից խուսափելու համար անհրաժեշտ է մուծել միջինը 100 հազ. դրամ, այսինքն` եթե քաղաքացին 18-27 տարեկանում խուսափել է բանակից, պետք է միջինը վճարի 1,6 մլն դրամ։
Ըստ ՀՀ ոստիկանության պաշտոնական կայքի՝ 2009 թ. ժամկետային զինվորական ծառայությունից խուսափելու համար 930 քրեական գործ է հարուցվել, 2010-ին` 995:
Թերթ.am
0 Response to 'Զորակոչից խուսափածների կողմից վճարվող գումարը տարբեր կլինի՝ կախված մի շարք գործոններից'
Publicar un comentario