2011-ի համաեվրոպական երգի մրցույթին, հիշեցնենք, ադրբեջանական զույգը հավաքեց ընդհանուր հաշվով 221 միավոր:
Մրցույթից անմիջապես հետո տված հարցազրույցում, որը տեղադրված է «Եվրատեսիլ»-ի կայքում, հաղթողները խոստովանել են, որ չէին սպասում, թե կհաղթեն. - «Ոչ, չէինք սպասում: Միայն հույս էինք փայփայում, որ կհաղթենք»:
Հանրային հեռուստառադիոընկերության խորհրդի նախագահ Ալեքսան Հարությունյանը հրաժարվեց պատասխանել «Ազատություն» ռադիոկայանի այդ հարցին` նշելով, որ «Եվրատեսիլ»-ի հետ կապված «առայժմ մեկնաբանություններ չեն արվում»:
Եվրոպական հեռարձակողների միության արտադրության գծով տնօրեն Յոն Օլա Սանդը «Ազատություն» ռադիոկայանի հարցին, թե ինչպես պետք է կարգավորվի Հայաստանի մասնակցությունը «Եվրատեսիլ 2012»-ին, Ժնևից հեռախոսով պատասխանեց. - «Մենք ակնկալում ենք, որ հյուրընկալող կողմը, որը Եվրոպական հեռարձակողների միության պատասխանատու գործընկերն է, կապահովի յուրաքանչյուր պատվիրակության անվտանգությունը, որը կժամանի Ադրբեջան, Բաքու: Եվ բացառություններ չպետք է լինեն»:
Իսկ հարցին, թե կթույլատրվի հայ հանդիսատեսի, ինչպես նաև դրոշների ու նման այլ սիմվոլիկայի առկայությունը, Յոն Օլա Սանդը արձագանքեց. - «Ամեն ինչ պիտի լինի այնպես, ինչպես ամեն տարի «Եվրատեսիլ»-ում: Ադրբեջանի համար մենք բացառություններ չենք անելու»:
azatutyun.am
0 Response to 'Կմասնակցի՞ Հայաստանը «Եվրատեսիլ -2012»-ին'
Publicar un comentario