Շատերը «պլանավորել» էին նաև իրենց երեխայի ծնունդը։ Իմանալով, որ մանկիկը պատրաստվում է աշխարհ գալ նոյեմբերին՝ նրանք բնության ժամկետները «մի փոքր համապատասխանեցրել էին» համաչափ ամսաթվին, այնպես որ երեկ շունչ քաշելու ժամանակ չունեին նաև մայրաքաղաքի ծննդատների անձնակազմերը։
Էլեկտրոնային հասցեներին շատերն են երեկ նամակ ստացել՝ «օրվա խորհրդավոր հաջողությունը» բացահայտող երկարաշունչ տեքստերով և դրանցից տնտեսապես շահելու վճարովի խորհուրդների առաջարկներով։
«Շանթ»-ի հարցախույզը ցույց է տվել, որ շատ են նաև այսօրը պահած երազանքների իրականացմանը հավատացողները, թեպետ ոմանք էլ նշել են, որ երազել պետք է ամեն օր։ Իսկ քահանան հիշեցրել է, որ թվերի և համընկնումների մեջ խորհրդավոր ուժեր փնտրել պետք չէ. «Աստված բարի է համարել և օրհնել է բոլոր օրերը»։
Հիշեցնենք, որ թվային համադրությունների՝ մարդու և աշխարհի, ներկայի և ապագայի վրա ազդեցությունների նկատմամբ հավատ ունեցել են բազմաթիվ մշակույթների և կրոնների հետևորդներ բոլոր ժամանակներում։ Հնուց ի վեր դրանցով կազմվել են «ճակատագրի քարտեզներ» թե անհատների և թե ժողովուրդների համար։ Սակայն քրիստոնեությունը, իր հիմքում ունենալով ազատ կամքի գաղափարը, մերժում է մարդու կյանքի և գործունեության վրա թվային թե այլ համարդությունների ազդեցությունների հաշվարկման այդ համակարգերը և դրանց նկատմամբ նման վերաբերմունքը որակում՝ սնահավատություն։
Թերթ.am
0 Response to 'Աստված բարի է համարել և օրհնել է բոլոր օրերը. քահանա'
Publicar un comentario