Ինչպես գրում է թուրքական «Հյուրրիյեթ» օրաթերթը, հանրապետական սենատորներ Ջոն Քիլն ու հայամետ դիրքորոշմամբ հայտնի, ԱՄՆ-ի Կոնգրեսի հայկական հարցերով հանձնախմբի նախկին համանախագահ Մարկ Քըրքը նամակով դիմել են ԱՄՆ պետքարտուղար Հիլարի Քլինթոնին և պաշտպանության նախարար Լեոն Պանետային։
Սենատորների կարծիքով՝ Անկարան պետք է երաշխիքներ տա այն մասին, որ ՌՏԿ–ի տվյալները տրամադրելու է նաև Իսրայելին։
Սենատորները պահանջել են ուսումնասիրել, թե Իրանի հնարավոր հրթիռային հարձակումներից պաշտպանվելու համար որքանով արդյունավետ կլինի ՌՏԿ–ի տեղակայումը Թուրքիայի տարածքում։
Քըրքն ու Քիլն իրենց նամակում նշել են, որ ՌՏԿ–ի տեղակայման համար «ամենաիդեալականը կլինի Հարավային Կովկասը»։
Նշենք, որ ամիսներ առաջ սենատորներ Ջոն Քիլը, Ջեյմս Ինհոֆը, Ջեյմս Ռիշն ու Մարկ Քըրքը ԱՄՆ նախկին պաշտպանության նախարար Ռոբերտ Գեյթսին նամակ էին ուղարկել՝ կոչ անելով փոփոխություններ մտցնել ԱՄՆ–ի՝ Թուրքիայում ՀՀՊ տարրեր տեղակայելու ծրագրերում։
Սենատորները կոչ էին արել Պենտագոնի ղեկավարին ՀՀՊ տարրերը տեղակայել ոչ թե Թուրքիայի, այլ՝ Վրաստանի տարածքում։
Հիշեցնենք, որ The Washington Times պարբերականն օրեր առաջ գրել էր, որ Անկարան և Վաշինգտոնը պատրաստվում են առաջիկայում պայմանագիր կնքել Թուրքիայի տարածքում ՀՀՊ տարրերի տեղակայման մասին։
Թերթ.am
0 Response to 'Հայամետ կոնգրեսականը կոչ է անում Վաշինգտոնին զգուշանալ Թուրքիայում ՀՀՊ տարրեր տեղակայելուց'
Publicar un comentario