«Մի՞թե ակնհայտ չէ, որ լարվածությունը նորմալ կնահանջի. ցանկացած երկխոսություն ավելի լավ է, էֆեկտիվ զարգացման է տանում»,- ասաց կոալիցիոն «Բարգավաճ Հայաստան» կուսակցության անդամ Վարդան Բոստանջյանը՝ պատասխանելով Tert.am-ի այն հարցին, թե պատվիրակությամբ ՀԱԿ-ի հետ բանակացելու իշխանության որոշումն ինչպե՞ս կանդրադառնա ներքաղաքական կյանքի վրա։ Նա նշեց, որ սա «առճակատումից հաստատ ավելի լավ է»։
«Ո՞րն է որոշումը փոխելու պատճառը, չէ՞ որ կոալիցիան ասում էր, որ ոչ մի դեպքում պատվիրակությամբ չի երկխոսելու ՀԱԿ-ի հետ» հարցին ի պատասխան Բոստանջյանն ասաց. «Ամբողջ ուշադրությունը պտտվում է բառի շուրջը՝ պատվիրակություն, թե երկխոսություն, թե բանակցություն։ Ես հասկանում եմ, որ ունենք ընդդիմադիր քաղաքական ուժ՝ ի դեմս ՀԱԿ-ի, և նախագահը հայտարարել է նրանց հետ երկրի խնդիրները քննարկելու պատրաստակամություն»,- ասաց նա։
Ըստ Բոստանջյանի՝ անիմաստ է այդքան կարևորել «բառերը», քանի որ եթե իշխանությունն ու ընդդիմությունը պիտի որոշակի հարցեր քննարկեն, «նշանակություն չունի, թե քննարկողներն ինչպես կկոչվեն՝ պատվիրակներ, թե հարցը բարձրացնողներ, թե հարցին ընթացք տվողներ, թե իմաստավորողներ, թե խորքային նայողներ»։
Թերթ.am
0 Response to 'Ինչո՞ւ կոալիցիան փոխեց պատվիրակությամբ չբանակցելու որոշումը'
Publicar un comentario