Ինչպես հաղորդում են գերմանական ԶԼՄ-ները, Գերմանիայի քաղաքացիները կարծում են, որ իրենց երկրում մասնագետների պակաս չկա։ Ավելին, նրանց կարծիքով, օտարերկրյա աշխատուժը կարող է զրկել իրենց աշխատատեղերից։
Բոննում Աշխատանքի շուկայի ուսումնասիրության ինստիտուտի փորձագետ Հիլմար Շնայդերը, սակայն, չի կիսում քաղաքացիների այդ մտավախությունները։ «Արտասահմանցի ոչ մի որակավորված մասնագետ գերմանացուց չի խլի իր աշխատատեղը, ընդհակառակը, կնպաստի նոր աշխատատեղերի ստեղծմանը»,- նշել է նա։
Հետազոտական ինստիտուտի մասնագետները հիմնվում են այն հանգամանքի վրա, որ արտերկրից Գերմանիա եկած մասնագետը ոչ միայն նոր աշխատատեղ կստեղծի իր պրոֆեսիոնալ մակարդակի գործընկերների համար, այլև աշխատանքով կապահովի ավելի ցածր որակավորում ունեցողներին։ Շնայդերը համոզված է, որ Գերմանիան առաջիկա 30 տարիների ընթացքում տարեկան կունենա 300հզ.-500հզ. մասնագետի կարիք։ Մեծ Բրիտանիան և Սկանդինավյան երկները դրսից մասնագետներ հրավիրելու հարցում վաղուց արդեն առաջ են անցել Գերմանիայից։
Թերթ.am
0 Response to 'Գերմանիայի բնակչությունը դեմ է աշխատուժի ներգաղթին'
Publicar un comentario