Ընկերություններից մեկի սեփականատիրոջ խոսքով` երկու հարևանների միջև դիվանագիտական հարաբերությունների բացակայությունը պատճառ է դարձել, որ հայերն ու թուրքերը վերապահումով մոտենան միմյանց երկրներ այցելելուն:
Ալթունի «Թաուեր թուրիզմը» կհամագործակցի «Թյութեն թուրիզմ» ընկերության հետ` կազմակերպելու ուղեգրային ճանապարհորդություններ Հայաստան, որոնք հնարավոր են երկու երկրների միջև կանոնավոր չվերթերի շնորհիվ:
«Ատլաս ջեթ» ընկերությունից ձեռք բերված օդանավով Ալթունը կարողացել է շարունակել Թուրքիա-Հայաստան չվերթերի կազմակերպումը նույնիսկ 1990-ականներին Լեռնային Ղարաբաղի շուրջ Հայաստանի և Ադրբեջանի միջև ծագած պատերազմից հետո:
«Ցավոք, մեր ժողովուրդները միմյանց չեն ճանաչում, այստեղից էլ` [հարևան երկիր] ճանապարհորդելու նրանց տարակուսանքը»,- ասել է Ալթունը` հավելելով, որ երբ թուրք և հայ զբոսաշրջիկները որոշում են առաջին անգամ այցելել միմյանց երկիր, միշտ հարցնում են`արդյոք ապահո՞վ է այնտեղ գնալը:
«Թյութեն թուրիզմի» համասեփականատեր Հարություն Դեմիրն ասում է, որ արդեն 15 մարդ ուղեգրեր է պատվիրել:
Ամեն ինչ ներառող ուղևորության արժեքը կտատանվի 960-1200 եվրո:
Նրա խոսքով` ուղևորները հիմնականում թռչում են Հայաստանից Թուրքիա, սակայն ամեն տարի աճում է Թուրքիայից Հայաստան մեկնող նաև գործարարների, լրագրողների և մտավորականների թիվը: Ստամբուլ-Երևան չվերթեր կազմակերպվում են յուրաքանչյուր շաբաթ, սակայն ամռանը շաբաթական չվերթեր կան նաև Երևանից Թուրքիայի Միջերկրական ծովի առափնյա քաղաքներ` Անթալիա և Բոդրում:
armenianow
0 Response to '«Հյուրիեթ». թուրքական ընկերությունները Հայաստան ուղեգրային ճանապարհորդություններ են ծրագրում կազմակերպել'
Publicar un comentario