Խորհրդաժողովին մասնակցում էին Կանադայի, Ամերիկայի, Ավստրալիայի, Լիբանանի, Բելգիայի, Ֆրանսիայի, Իրանի, Հայաստանի և Արցախի 12 կազմակերպությունների ներկայացուցիչներ, որոնք քննարկեցին միջազգային հայկական առտևտրային եւ գործարար ցանց և համապատասխան կառույց ստեղծելու հարցը:
Այս կառույցի հիմնական խնդիրներից է հայ գործարարների համար անդամ-կազմակերպությունների տվյալների հիման վրա համացանցի ստեղծումը:
Խորհրդաժողովը որոշում կայացրեց, որ յուրաքանչյուր մասնակից կազմակերպություն Հայկական առևտրային ցանցի խորհրդում ներկայացված կլինի մեկ անդամով, և Գործադիր մարմինը կազմված կլինի նախագահից, 4 տարածաշրջանային փոխնախագահներից, քարտուղարից և գանձապահից:
Առաջիկա երկու տարիների համար խորհրդաժողովը նաև միաձայն որոշեց Կանադա-Հայաստան գործարարների խորհրդի նախագահ Վահրամ Փիրջանյանին ընտրել որպես Հայկական առևտրային ցանցի խորհրդի նախագահ, իսկ տեղակալներ ըստ տարածաշրջանների` Մարտին Սարգսյանին (Հայաստան և ԱՊՀ), Նիք Հակոբեանին (Հարավային և Հյուսիսային Ամերիկա, Ավստրալիա), Ժակ Ավդոյանին (Եվրոպա) և Նազարեթ Սաբունջեանին (Միջին Արևելք): Խորհրդի քարտուղար ընտրվեց Հրաչ Կասպարը, իսկ գանձապահ՝ Ջո Յելկեզեանը:
Հիմնադիր խորհրդաժողովը որոշում կայացրեց Հայկական առևտրային ցանցի հաջորդ հանդիպումն անցկացնել 2012 թվականի մայիսին Ստեփանակերտում:
hayernaysor
0 Response to 'Հիմնադրվեց Հայակական առևտրային ցանցը'
Publicar un comentario