Ավելի վաղ Հայաստանում ԱՄՆ-ի դեսպանատունը հայտարարել էր, որ ներկայիս դեսպան Մարի Յովանովիչը հունիսին ավարտում է եռամյա դիվանագիտական առաքելությունը և վերադառնալու է Վաշինգտոն՝ ստանձնելու պետքարտուղարի՝ Հյուսիային և Կենտրոնական Եվրոպայի հարցերով փոխտեղակալի պաշտոնը:
Հեֆերնի թեկնածությանը անմիջապես արձագանքել է Ամերիկայի Հայ դատի գրասենյակը:
«Մենք անհամբերությամբ սպասում ենք Սենատում դեսպանի հաստատման շուրջ քննարկումներին», - հայտարարել է Վաշինգտոնի Հայ դատի գրասենյակի գործադիր տնօրեն Արամ Համբարյանը` ընդգծելով. - «Այդ քննարկումները ցույց կտան՝ արդյո՞ք Հեֆերնը պատրաստ է միացնել իր սկզբունքային ձայնը Հայոց ցեղասպանության շուրջ ճշմարտության ու արդարության ջատագովներին , ինչպես նաև նպաստել հայ - ամերիկյան երկկողմանի շահավետ հարաբերությունների ամրապնդմանը»:
Այդ քննարկումներում թիվ մեկ փորձությունը, ըստ Համբարյանի, լինելու է Հեֆերնի դիրքորոշումը 1915 թվականի իրադարձությունների վերաբերյալ: «Կդիմի՞ նա բառախաղերին ու հռետորաբանությանը՝ ցեղասպանության հստակ ճանաչումից խուսափելու համար, թե՞ ոչ՝ սա է ամենակարեւորը», - հայտարարել է Հայ դատի գրասենյակի գործադիր տնօրենը՝ հիշեցնելով, որ ժամանակին՝ սենատոր եղած տարիներին, ներկայիս նախագահ Բարաք Օբաման քննադատել էր ցեղասպանության վերաբերյալ իր հայտարարություններով հայտնի դեսպան Ջոն էվանսի հետկանչը և պետքարտուղարին ուղարկած նամակում գրել. - «Սնանկ է այն պետական քաղաքականությունը, որը կոչ է անում դիվանագետներին աղավաղել պատմական փաստերը»:
azatutyun.am
0 Response to 'Հայաստանում ԱՄՆ-ի դեսպանի պաշտոնում Օբաման առաջադրել է Ջոն Հեֆերնին'
Publicar un comentario