Las puertas del Patriarcado armenio de Turquía se han abierto a dos expertos de EE.UU. que publicaron un libro sobre los tesoros textiles de los siglos 18 y 19.
Հայաստանը մեկ տարով բարձրացնում է զորակոչի տարիքը: Հինգշաբթի Ազգային ժողովը միաձայն հաստատեց զորակոչի տարիքը 19 տարեկան սահմանելու մասին օրինագիծը:
Según denunciara el martes USA Today,Burson-Marsteller se ponía en contacto con reputados periodistas para que investigaran supuestas denuncias de violación de su privacidad por parte de la red de contactos de Google Social Circle.
«Քաղաքացիական կացության ակտերի մասին» օրենքի նախագծով, որ Ազգային ժողովում արդեն առաջին ընթերցմամբ ընդունվել է, Հայաստանում ամուսնության գրանցման ժամկետը կկրճատվի։ Նոր օրենքով ներկայիս 1 ամսվա փոխարեն Քաղաքացիական կացության ակտերի գրանցման տարածքային կենտրոնները ամուսնությունները կգրանցեն 7 օրում։ Այսօր լրագրողների հետ հանդիպմանը արդարադատության փոխնախարար Արամ Օրբելյանը մանրամասնեց օրենսդրական փոփոխությունները։
Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը Ծաղկազարդն հռչակել է որպես մանուկների օրհնության օր, նկատի ունենալով այն հանգամանքը, որ Տիրոջ Երուսաղեմի տաճար մտնելու ժամանակ մանուկներն աղաղակում էին ասելով. «Օրհնությո¯ւն, Դավթի որդուն» (Մատթ. 21:15):
Հիսուսի մուտքը Երուսաղեմի ժողովուրդն ընդունել է խանդավառությամբ` ձիթենու և արմավենու ճյուղերը, ինչպես նաև իրենց զգեստները փռելով ճանապարհի վրա:
Համաձայն եկեղեցու հայրերի ուսուցումների, Հիսուսի առջև հանդերձներ նետելը խորհրդանշել է մեղքերից ազատվել: Ոստեր և ճյուղեր ընծայելը խորհրդանշել է առանձնակի պատիվներ և հանդիսավորություն: Ձիթենին համարվել է իմաստության, խաղաղության, հաղթանակի և փառքի խորհրդանշան: Ձիթենու և արմավենու ճյուղերի ընծայումը Քրիստոսին, որը մեռյալ Ղազարոսին հարություն տվեց, խորհրդանշում է մահվան հանդեպ հաղթանակը:
Ծաղկազարդի նախօրեին` շաբաթ օրը, կատարվում է Ծաղկազարդի նախատոնակը, բացվում է խորանի վարագույրը, իսկ հաջորդ օրը ժամերգությունից հետո, բաց վարագույրով մատուցվում է Ս. Պատարագ: Ծաղկազարդի առավոտյան եկեղեցում օրհնում են ձիթենու կամ ուռենու ոստերը և բաժանում ժողովրդին: Ուռենու ոստերը, որոնք անպտուղ են, խորհրդանշում են հեթանոսներին և պտղաբերեցին միայն Քրիստոսին ընծայվելուց հետո: Ոստերի փափկությունը խորհրդանշում է Քրիստոսին հետևողների խոնարհությունը: Ուռենու ճյուղերը մեր ընծաներն են Տիրոջը, ինչպես Ծննդյան օրը մոգերի բերած ընծաները: Հիսուս Քրիստոսին ճանաչում ենք որպես Թագավոր` հաղթական պսակը գլխին, անեծքը վերացնող և կենդանություն պարգևող:
Հարգելի հայրենակիցնե՛ր.
Ծաղկազարդի կիրակի
Կիրակի 17 Ապրիլ 10, 2011
Ցանկության դեպքում Ծաղկազարդի առիթով արմավենի կամ ձիթենու ճյուղերը կարող եք օրհնել Mare de Déu dels Ángels եկեղեցում (Carrer Balmes 78, Valencia և Balmes փողոցների անկյուն) ս.թ. ապրիլի 17-ին ժամը 12։00-ին:
Նույն ժամին կաթողիկ եկեղեցու կազմակերպմամբ մանկական թափորը կշարժվի դեպի Rambla Cataluña:
Թափորին հայ մանուկներին ընգրկելու ցանկության դեպքում պետք դիմել սույն եկեղեցու պատասանատու հոգևորական Դոն Ռաֆաելին:
Համաձայն Հայր Սասունի հետ ձեռք բերված նախնական պայմանավորվածության, կաթողիկ եկեղեցին ուրախությամբ կնդգրկի սույն երթին նաև հայ ազգի զավակներին և բացի այդ կանրադառնա Հայերին իր պատարագի խոսքում:
Ոտնլվայի արարողություն
Հինգշաբթի 21 Ապրիլ Ժամը 19։00-ին
Mare de Déu dels Ángels եկեղեցի (Carrer Balmes 78, Valencia և Balmes)
Ավագ Շաբաթվա արարողություններից մեկն է Ոտնլվայի կարգը, որ տեղի է ունենում Ավագ Հինգշաբթի օրը։ Այս ավանդույթը, ինչպես մեր Տեր Հիսուս Քրիստոս իր խաչելությունից առաջ լվաց իր 12 առաքյալների ոտքերը ի նշան հեզության, և, հորդորեց, որ իրենք էլ նույնը անեն լվանալով իրենց աշակերտների ոտքերը, շարունակվել է դարերով և հասել է մինչև մեր օրերը:
Եկեղեցական խորհրդի և Հայր Սասունի կողմից այս տարի առաջին անգամ Բարսելոնայում կկազմակերպվի այս գեղեցիկ Ոտնլվայի արարողություն, որըտեղի կունենա Ավագ Հինգշաբթի Ապրիլի 21-ին ժամը 19։00-ին:
Նույնը օրը կկատարվի նաև յուղի օրհնություն
Անհրաժեշտ է ունենալ.
1. Նվազագույնը 12 երեխաի ներկայություն
2. Յուղի Օրհնության համար անալի կարագ
Մեծ Զատիկ, Աուրբ Հարության Տոն
Կիրակի 24 Ապրիլ 2011, ժամը 10։30-ին Կատալունիայի Ծխական Խորհուրդն ու Հայր Սասունը հրավիրում են մասնակցելու Զատիկի Սուրբ պատարագին, որը այս տարի աննախադեպ զուգատիպությամբ համընկնում է համազգային Մեծ Եղեռնի սգո օրվա հետ և նշվելու է ապրիլի 24-ին` առավոտյան ժամը 10:30-ին (Mare de Déu dels Ángels եկեղեցում, Carrer Balmes 78):
Սուրբ պատարագին երգով հանդես կգա Շուշան Հովհաննիսյանը (սոպրանո), կնվագակցի Նաիրա Ուլիկյանը։
Հանդիսավոր Սուրբ Պատարագից հետո, նույն օրը` ժամը 14:00-ին հրավիրում ենք հայ համայնքի ներկայացուցիչներին մասնակցել Խաչքարի մոտ Ցեղասպանության զոհերի հիշատակին ծաղկեպսակի տեղադրման արարողությանը:
Կատալունիայի Ծխական Խորհուրդ.
Իսպանիայում և Պորտուգալիայում Հայրապետական Պատվիրակի Ընդհանուր Փոխնորդ`
Տ. Սասուն Ծ. Վրդ. Զմրուխտյան
|
0 Response to 'Ծաղկազարդի տոնը նշվում է նաև Իսպանիայում'
Publicar un comentario