Ինչպես հաղորդել են PanARMENIAN.Net ին Վաշինգտոնից, մի քանի տասնյակ ադրբեջանցիներ և թուրքեր նույնպես եկել էին դեսպանատան մոտ ակցիայի անցկացմանը խանգարելու համար: Դեսպանատան ճանապարհին ադրբեջանցիների մեքենան կանգնեցրել են երկու ոստիկաններ, որոնք պահանջել են բացել մեքենայի բեռնախցիկը, որտեղ եղել են բեյսբոլի մահակներ: Ոստիկանի հարցին, թե ինչու են ավտոմեքենայի ուղևորները մահակներ տանում խաղաղ ակցիայի համար, վարորդը չի կարողացել պատասխանել:
Թուրքերը և ադրբեջանցիները աղմուկ են բարձրացրել` բղավելով վիրավորական կարգախոսներ: Եթե չլիներ ոստիկանության միջամտությունը, դեսպանատան մոտ կարող էր ծեծկռտուք սկսվել, սակայն ոստիկաններն արագ կասեցրել են հայերի ցույցը ձախողելու թուրքերի փորձերը: Ադրբեջանցիները և թուրքերը ձեռքերում պահել են ցուցապաստառներ «Շնորհակալություն Ամերիկա, որ չես պատասխանում հայկական մեղադրանքներին» գրությամբ:
0 Response to 'Վաշինգտոնում թուրքերը և ադրբեջանցիները փորձել են ձախողել Հայոց ցեղասպանության զոհերի հիշատակի ակցիան'
Publicar un comentario