Ֆրանսահայերը նախատեսում են քննարկման պահին ցույց անցկացնել:
2006 թվականի հոկտեմբերի 12-ին Ֆրանսիայի Ազգային ժողովը ընդունեց օրինագիծը, համաձայն որի` 1915 թվականի Հայոց ցեղասպանության ժխտումը հանդիսանում է քրեորեն պատժելի արարք: Այնուհանդերձ, օրենքի ուժ ստանալու համար օրինագիծը մինչև այժմ սպասում է Սենատի կողմից վավերացմանը:
«Ներկա պահի դրությամբ, գրեթե 50:50 տոկոսով թեր և դեմ կարծիքների արտահայտություն կա, քվեների պատկերը ընդհանրապես ֆրանսիական մամուլը այս պարագայում նաև դնում է հավասար դիրքերի վրա, իսկ հայ համայնքի ղեկավարության` բազմապիսի և բազմազան և բազմաճյուղ բոլոր հոսանքների հետ կատարած ելույթների ընթացքում, նաև հարաբերությունների ընթացքում, ունենք այն համոզումը, որ ֆրանսիացի ծերակուտականները կկարողանան քվեարկել և ճիշտ դիրքորոշվել` ժխտողականության դեմ օրենքին թեր (կողմ) քվեարկելով», - ասաց Ֆրանսիայի Հայ դատի գրասենյակի ղեկավարը:
Տվյալ հարցում Ֆրանսիայի նախագահի դիրքորոշման դերի և նշանակության վերաբերյալ հարցին Վարժապետյանը արձագանքեց. - «Ֆրանսիայի Հանրապետության նախագահ պարոն Նիկոլա Սարկոզիի հետ հանդիպումը, որ տեղի ունեցավ հայ համայնքի հետ անցյալ շաբաթ օրը` Ելիսեյան պալատում, որի ընթացքում հայ համայնքը ներկայացավ միասնական դիմագծով` իր բոլոր հոսանքներով, նախագահը մեկուկես ժամվա հանդիպման ընթացքում փորձեց բացատրել և հաստատել ու համոզել հայ համայնքին` պատվիրակության միջոցով, որ ինքը դեմ չէ, ընդհակառակը` ինքը միշտ էլ ցեղապաշտության դեմ է եղել,և ժխտողականությունը իր համար համազոր է ցեղապաշտության, և թե ինքը` իբրև հանրապետության նախագահ և իշխող կուսակցության ղեկավար, որևէ արգելք չի դնելու ծերակուտականների առջև և ազատ է թողնելու ծերակուտականներին` քվեարկելու ըստ իրենց տեսակետի և ըստ իրենց մտածողության: Սա մենք համարում ենք արդեն իսկ մեկ քայլ դեպի առաջ»:
Նշելով, որ պետական մակարդակով թուրքական պատվիրակություններ են իրար հաջորդում` հասնելով մինչև Ֆրանսիայի կառավարություն և արտգործնախարարություն և փորձելով արգելակել օրինագծի ընդունումը, Ֆրանսիայի Հայ դատի գրասենյակի ղեկավարը շեշտեց. - «Հանրապետության նախագահի այս հավաստիացումը և այս հաստատումը բավական գոտեպնդում է մեր համայնքը, և, անշուշտ, մեր աշխատանքները, մեր պայքարը` այս իմաստով»:
azatutyun.am
0 Response to 'Ֆրանսիայի Սենատը այսօր կքննարկի հայանպաստ օրինագիծը'
Publicar un comentario