Նամակում մասնավորապես նշվում է. «Անցյալ դարի 70-ական թվականների սկզբներին Լենինականի մի շարք գործարանների տնօրինություններ իրենց դրամական միջոցներով պատվիրել են հայ մեծանուն նկարիչ Մինաս Ավետիսյանին որմնանկարներ կատարել իրենց գործարանների համապատասխան տարածքներում, որի արդյունքում ստեղծվել են գեղարվեստական բարձրարժեք ստեղծագործություններ:
1990թ. Լենինականի քաղսովետի գործկոմի ջանքերով և միջոցներով բուլղարացի մասնագետների միջոցով վերականգնվեց և Գյումրիի Վ. Աճեմյանի անվան պետական դրամատիկական թատրոնի շենքում տեղադրվեց վերլուծական սարքերի փորձնական գործարանի շենքի պատին գտնվող որմնանկարը: Սակայն այս ողջունելի քայլը` որմնանկարների վերականգնումը և հետագա ցուցադրումը Գյումրիում, առաջինը և վերջինը եղավ: 2010թ. ՀՀ կառավարության միջոցներով վերականգնվեց և Երևան` կառավարության շենք տեղափոխվեց երկու որմնանկար: Այս իրողությունը, որ իրենց համերկրացու որմնանկարները այսուհետ զարդարելու են ՀՀ կառավարության շենքը, դրական ընդունեցին գյումրեցիները: Սակայն մնացած որմնանակարները ևս Երևան տեղափոխելու կառավարության մտադրությունը խիստ դժգոհություն է առաջացրել գյումրեցի արվեստագետների, մտավորականների, հասարակական կազմակերպությունների, ողջ բնակչության շրջանում:
Մենք` ներքոստորագրողներս, հաստատ վճռականություն ենք հայտնում, որ արվեստների և մշակույթի քաղաք Գյումրիում են պահպանվելու և ցուցադրվելու մեր համերկրացի մեծանուն նկարիչ Մինաս Ավետիսյանի Գյումրիում կատարած որմնանկարները:
Անկախ շինության սեփականության ձևից, որմնանկարները պատկանում են Գյումրի քաղաքին: Մենք գտնում ենք, որ առանց քաղաքի համաձայնության, հոգևոր մշակույթային արժեքները տանելը անհարգալից վերաբերմունք է։ Մեր բազմաթիվ հանդիպումները և պահանջը Գյումրու քաղաքապետից` Մինասի որմնանակարները վերականգնելու և մեր քաղաքում ցուցադրելու աջակցություն են գտել քաղաքապետի կողմից, որը հաստատ հիմք է տալիս հայտարարելու, որ քաղաքը պատրաստ է համապատասխան դրամական միջոցներ տրամադրել վերականգնելու, Գյումրիում պահպանելու և ցուցադրելու գյումրեցիների հպարտությունը հանդիսացող Մինաս Ավետիսյանի պահպանված որմնանկարները»։
Բաց նամակին արդեն միացել և ստորագրել են Գյումրու արվեստի և մշակույթի բնագավառի 493 աշխատակիցներ։
Նրանք առաջիկայում պատրաստում են նաև այդ թեմայով հանրային քննարկումներ կազմակերպել Գյումրիում։
Թերթ.am
0 Response to 'Գյումրեցիները բողոքում են Մինասի որմնանկարները «Զվարթնոց» տեղափոխելու որոշման դեմ'
Publicar un comentario