Սակայն գործնականում նրա մահվան մասին խոսողներից և գրողներից ոչ ոք չի ասել գլխավոր մի պատճառի մասին. միայն հայկական խառնվածքն է սպանել Լեդի Դիին:
Այսպիսի եզրակացության կարելի է գալ՝ ծանոթանալով ամերիկահայ պրոֆեսոր Լևոն Թոփազյանի ուսումնասիրություններին, որով նա հայտնաբերել է արքայադուստր Դիանայի՝ մոր կողմից հայուհի լինելը:
Կազմելով Դիանա Սպենսերի տոհմածառը, պրոֆեսոր Թոփազյանը պարզել է, որ արքայադստեր մայրական կողմի նախապապը՝ Թեոդոր Ֆորբսը, ամուսնացած է եղել Հնդկաստանից մի հայուհու հետ, որին կոչում էին Էլիզա (Եղիսաբեթ) Ֆորբեզյան: Ունենալով 1/64 մասով հայկական արյուն, ըստ պրոֆեսորի, Դիանան իր խառնվածքով և բնավորությամբ տիպիկ հայուհի էր: Ազգագրագետ գիտնականներն ուսումնասիրելով մարդկանց հոգեբանական տեսակների կախվածությունը նրանց ազգային ծագումնաբանությունից, շատ վաղուց եկել են այն եզրակացության, որ բոլոր հնդևրոպացիներին պայմանականորեն կարելի է բաժանել «հյուսիսևրոպական» և «մերձավորարևելյան» տիպերի ներկայացուցիչների: «Հյուսիսևրոպացիներին» պատկանում են անգլիացիները, գերմանացիները, սկանդինավցիները, մասամբ՝ սլավոնները: «Մերձավորարևելյան» տեսակներից են, համապատասխանաբար, իտալացիները, թուրքերը, կովկասցիները, պարսիկները, հույները, գնչուները և ուրիշներ: «Հյուսիսևրոպական» և «մերձարևելյան» մարդկանց միջև խառնվածքների տարբերության պատճառով սովորաբար ծագում են հոգեբանական տարաձայնություններ, որոնք ծնվում են վարքի տարբեր ստերեոտիպերի բախումից: Հետազոտելով հոգեբանական տարբեր տիպերի մարդկանց վարքը տրանսպորտում, հնագետները նկատել են, որ «հյուսիսևրոպացին», մտնելով էլեկտրագնացք, կփնտրի ամենադատարկ վագոնը, իսկ վագոնում՝ ամենադատարկ նստարանը: Գրավելով իր տեղը, ցանկացած ուղևորի՝ իր կողքին նստելու մտադրությունը (ազատ տեղերի առկայության դեպքում) նա դիտարկում է որպես իր անձնական անկախությունը ոտնահարելու ցանկություն: Ուղևորվելով հեռավոր ճանապարհորդության, «հյուսիսևրոպացին» կարող է գնալ հազարավոր կիլոմետրեր և այդպես էլ չծանոթանալ իր խցիկի հարևանների հետ: Իսկ «մերձավորարևելցու» համար բնորոշ է վարքի հակառակ դրսևորումը:
Հայտնի է, որ «հյուսիսևրոպացիները» բնազդորեն զրուցակցից հեռանում են, երբ վերջինս ուզում է նրանց մոտենալ 70 սմ-ից ավելի (բացառությամբ այն դեպքերի, երբ սիրահարները և  մտերիմները պատրաստվում են իրար հաղորդել վստահելի տեղեկություններ): Մինչդեռ «մերձավորարևելցիների» համար այդ տարածությունը լինում է ավելի քիչ՝ 30-35 սմ-ի: Այսպիսով, այն, ինչ հայի կամ պարսիկի համար կարող է լինել պարզապես ընկերական զրույց, «հյուսիսևրոպացին» դա կընդունի որպես իր անձնական կյանքի մեջ մխրճվելու ոտնձգություն: Արքայադուստր Դիանան «մերձավորարևելյան» իր խառնվածքով անգլիական թագավորական ընտանիքում ընկալվում էր որպես օտարածին, չափազանց անզուսպ և ագրեսիվ: Հայտնի է, որ ամուսնության 15 տարիների ընթացքում Դիանան հինգ անգամ փորձել է ինքնասպանություն գործել, մի քանի անգամ ընկել է հոգեկան ճգնաժամի մեջ:

Աղբյուրը`www.aravot.am