Հայ Առաքելական եկեղեցու հետևորդները պահքի շրջանում պետք է օգտագործեն բացառապես բուսական ծագում ունեցող սննդամթերք: Այդ ընթացքում հրաժարվում են ոչ միայն որոշակի կերակուրներից, այլև մոլի սովորություններից, շատախոսությունից, ստախոսությունից, հայհոյանքից և այլ մեղքերից:
«Որոշ ուտելիքներից հրաժարվելը ընդամենը մի միջոց է: Մյուսը` լեզվի պահք: Պատկերացրեք` մարդը ծոմ է պահում, բայց լեզուն չար է, հայհոյանքներով և անընդունելի բառերով լեցուն: Անընդունելի է նաև, երբ պահք ես պահում, բայց հեռուստացույցով անառակություններ ես դիտում: Ուրեմն` պահքը շատ ավելի խորը և լայն շրջանակներ ընդգրկող մի միջոց է», - հավելեց Տեր Կյուրեղը:
Պահքի 40 օրը խորհրդանշում է անապատում Քրիստոսի քառասնօրյա աղոթքի, ծոմապահության և ապաշխարության շրջանը:
Քառասնօրյա պահքին հաջորդում է պահոց ևս մեկշաբաթյա շրջան` Ավագ շաբաթը: Այդ է պատճառը, որ պահքը 48 օր է տևում:
Մեծ Պահքն ունի յոթ կիրակի, յոթ հիշարժան օրեր. Բուն բարեկենդան, Արտաքսում, Անառակի, Տնտեսի, Դատավորի, Գալստյան և Ծաղկազարդ:
Մեծ Պահքն այս տարի կիսվում է մարտի 30-ին և կոչվում է միջինք: Ժողովրդական սովորության համաձայն` այդ օրր բաղարջից պահոց գաթա են պատրաստում, որի մեջ մետաղադրամ են դնում: Սովորության համաձայն` բաժին հասնող մետաղադրամը հաջողություն է բերում:
Աղբյուրը` azatutyun.am
0 Response to 'Մեծ Պահքը մեկնարկում է մարտի 7-ից'
Publicar un comentario