«Ռուսաստանը, Ֆրանսիան և Միացյալ Նահանգները փոխհամաձայնեցված ճնշում էին գործադրում կողմերի վրա, որպեսզի վերջիններն ընդունեն հիմնարար սկզբունքները Կազանում։ Ռուսաստանի նախագահ Դմիտրի Մեդվեևը շատ ժամանակ ու քաղաքական կապիտալ էր ներդրել այդ նախագծում, բայց Ռուսաստանում մոտեցող ընտրությունների շրջանը ավելի դժվար է դարձնելու համաձայնությունը»,– գրում է պարբերականը։
Պարբերականը զրուցել է նաև բանակցություններում ներգրավված դիվանագետի հետ, որի անունը չի հրապարակում։ Դիվանագետն ասել է, որ ուրբաթ օրվա հանդիպումը ոչինչ չի տվել, և որ աշխատանքը շարունակվելու է համաձայնության շուրջ։ Նրա խոսքով՝ երկու կողմից էլ առաջընթացն ավելի փոքր է եղել, քան հույս ունեին միջնորդները։
Ներքաղաքական խնդիրները լուրջ խոչընդոտ են լուծման համար, գրում է պարբերականը՝ նշելով, որ երկու երկրների առաջնորդները վրդովմունքի մեծ ալիք կբարձրացնեն իրեն երկրներում, եթե զիջումների գնան։ Կազանից առաջ, ըստ պարբերականի, միջնորդներն ասում էին, որ լուրջ տարաձայնություններն ավելի քիչ են, սակայն պարզ չէր՝ արդյոք երկու առաջնորդները քաղաքական կամք կունենան համաձայնագիրն իրենց քաղաքացիներին ներկայացնելու։
Թերթ.am
0 Response to 'Առաջնորդները քաղաքական կամք չունեցան իրենց քաղաքացիներին ներկայացնել համաձայնագիրը. The New York Times'
Publicar un comentario