Մեկնաբանելով նախօրեին Կազանում Ռուսաստանի նախագահ Դմիտրի Մեդվեդևի միջնորդությամբ Հայաստանի և Ադրբեջանի նախագահների միջև կայացած բանակցությունները, Աժուբալիսը ասել է. - «Ես ողջունում եմ մի շարք հարցերի շուրջ փոխըմբռնման ձեռքբերումը, որոնց լուծումը կնպաստի Հիմնարար սկզբունքներին հավանություն տալու համար պայմանների ստեղծմանը: Հուսամ, որ չլուծված խնդիրների շուրջ աշխատանքը կշարունակվի` ճանապարհ հարթելով հակամարտության կարգավորման համար»:
Աժուբալիսը կարևորել է հակամարտության գոտում հրադադարի ռեժիմի ամրապնդման և փոխվստահության մթնոլորտի ձեւավորման անհրաժեշտությունը` քաղաքացիական հասարակության ներգրավմամբ, ինչը, նրա խոսքով, քննարկվել է այս տարվա մարտին Ադրբեջանի և Հայաստանի ղեկավարների հետ իր հանդիպումների ընթացքում:
«Ես ղեկավարներին կոչ եմ անում հավատարիմ մնալ այն պայմանավորվածություններին, որոնք ձեռք են բերվել եռակողմ ձևաչափով նախորդ հանդիպումների ժամանակ Աստրախանում` 2010-ի հոկտեմբերին, և Սոչիում` այս տարվա մարտին, այդ թվում` Շփման գծում հնարավոր միջադեպերի հետաքննման և ուժի գործադրման սպառնալիքներից զերծ մնալու վերաբերյալ», - նաև ասել է ԵԱՀԿ-ի գործող նախագահ Աուդրոնիուս Աժուբալիսը:
azatutyun.am
0 Response to 'ԵԱՀԿ-ի նախագահը Հայաստանին և Ադրբեջանին կոչ է անում հավատարիմ մնալ նախկին պայմանավորվածություններին'
Publicar un comentario