Կաթոլիկ Իտալիայի համար յուրօրինակ որոշում է կայացրել Բոլոնիայի Վերաքննիչ դատարանը, որը վճռել է առանց կողմերի համաձայնության ամուսնալուծել մի զույգի: Բանն այն է, որ զույգերից մեկը 6 տարի առաջ փոխել է իր սեռը: Ստիպողաբար ամուսնալուծման եզրին հայտնված զույգը, սակայն, պատրաստվում է պայքարել իր իրավունքների համար:
40-ամյա իտալուհի Ալեսանդրա Բերնարոլին նախկինում տղամարդ է եղել: 2005-ին դեռևս Ալեսանդրո անունը կրող տղամարդը ամուսնացել է իր հարսնացուի հետ: Զույգի հարսանեկան արարողությունը տեղի էր ունեցել ինչպես եկեղեցում, այնպես էլ համապատասխան պետական բյուրոյում:
Ամուսնությունից 4 տարի անց տղամարդը որոշում է փոխել իր սեռը: Ալեսանրդան առաջին դժվարությունների հետ բախվում է այն բանից հետո, երբ կարիք է առաջանում փոխել անձնագիրը: Անձնագրային վարչության աշխատակիցները չեն կարողացել փաստաթղթում նշել վերջինիս ընտանեկան դրությունը, քանի որ Իտալիայում արգելված են ամուսնությունները նույն սեռի ներկայացուցիչների միջև:
Կանայք մի քանի տարվա ընթացքում փորձել են խնդիրը լուծել դատարանների միջոցով, սակայն այսօր Բոլոնիայի դատարանը վճռել է, որ նրանք այլևս ամուսիններ չեն, հաղորդում է «Ռիա նովոստին»:
«Ես չեմ պատրաստվում հրաժարվել իմ ամուսնությունից: Մենք չենք ցանկանում ամուսնալուծվել ու երբեք չենք ցանկացել, սակայն պետությունը մեզ ստիպում է անել դա»,-ասել է Ալեսանդրան՝ հավելելով, որ դիմելու է Վճռաբեկ դատարան:
Թերթ.am
0 Response to 'Բոլոնիայի դատարանը ստիպողաբար ամուսնալուծում է իտալացի զույգին'
Publicar un comentario