Ինչպես գիտենք, Գերմանիայի իշխանությունները հայտարարել էին, թե իրենց երկրում տարածված աղիքային ինֆեկցիայի աղբյուրն Իսպանիայից ներմուծված վարունգներն են: Լաբորատոր հետազոտությունները, սակայն, հերքել էին այդ փաստը։
Իսպանիայի վարչապետն ասել է, որ այդ «անհիմն հայտարարությունների» արդյունքում Իսպանիայի տնտեսությունը զգալի տնտեսական վնաս է կրել. իսպանական բանջարեղենի վաճառքը ողջ Եվրոպայում դադարեցվել է։
Աղիքային վարակն արդեն հայտնաբերվել է աշխարհի 12 երկրում։ Սկզբում այդ վարակը գրանցվեց Գերմանիայի հյուսիսում. այն Գերմանիայում արդեն 17 և Շվեդիայում 1 մարդու կյանք է խլել։ Վերջին տվյալներով՝ Գերմանիայում աղիքային ինֆեկցիայով հիվանդների թիվը մոտ 2000–ի է հասնում։
Ինֆեկցիայի դեպքեր գրանցվել են նաև Շվեդիայում (43 հիվանդ), Դանիայում (17վարակակիր), Նիդերլանդներում ( 8 վարակակիր), Մեծ Բրիտանիայում ( 7վարակակիր) Ֆրանսիայում (6 վարակակիր)։
Երկուական հիվանդներ հայտնաբերվել են նաև Ավստրիայում, Շվեյցարիայում և ԱՄՆ–ում, իսկ Իսպանիայում, Չեխիայում և Նորվեգիայում՝ մեկական հիվանդ։
Աղիքային ցուպիկով վարակը հաճախ բարդանում է հեմոլիտիկ –միզարյունական սինդրոմով, որն ատաջացնում է սուր երկիկամային անբարարություն, ախտահարում է կենտրոնական նյարդային համակարգը և կյանքի համար վտանգ է ներկայացնում։
Թերթ.am
0 Response to 'Իսպանիան «անհիմն հայտարարությունների» համար փոխհատուցում կպահանջի Գերմանիայից'
Publicar un comentario