Ինչպես հաղորդում է Մեդիամաքսը, այդ մասին հայտնել է Հայաստանում, Վրաստանում և Մոլդովայում Visa-ի բիզնեսի զարգացման մենեջեր Իրինա Կամխաձեն:
Նրա խոսքերով, ՀՀ բանկերը շահագրգռված են էլեկտրոնային առևտրի զարգացմամբ, և Visa-ն նրանց հետ քննարկել է դրա համար անհրաժեշտ հավաստագրում անցնելու մանրամասները:
«Ինտերնետային վճարումների սպասարկման արտոնագրերը տրամադրվում են անհատական հիմունքներով, և Visa-ի անդամ հայաստանյան բոլոր 10 բանկերը հնարավորություն ունեն ստանալ այն»,- ասել է Իրինա Կամխաձեն` հավելելով, որ դրա համար, նախևառաջ, անհրաժեշտ է բանկերի տեխնոլոգիական պատրաստվածություն:
Վճարային համակարգի ներկայացուցիչը տեղեկացրել է, որ էլեկտրոնային առևտուրը, անկանխիկ առևտրի գործառույթ ունեցող առևտրի կետերի աճին զուգահեռ, Visa-ի համար հանդիսանում է Հայաստանում բիզնեսի զարգացման առաջնահերթ ուղղություն:
«Հայաստանում Visa-ն ունի մեծ ներուժ: Եթե երկրում բանկոմատների թվի աճը նախորդ տարի կազմում էր 3%, ապա Visa քարտեր ընդունող առևտրի կետերի աճը կազմել է 46%: Դա վկայում է երկրում անկանխիկ առևտրի դինամիկ աճի մասին»,- ասել է Իրինա Կամխաձեն:
banks.am
0 Response to 'Էլեկտրոնային առևտուրը Հայաստանում Visa-ի բիզնեսի առաջնահերթ ուղղությունն է'
Publicar un comentario