«Եվրատեսիլ-2010»-ի հաղթող երիտասարդ երգչուհի Լենա Մեյեր-Լանդրութն ասել է, որ Հայաստանի փոփ երգչուհի Էմմիի «Բում-բում» երգը «շատ պարզ, բայց գրավիչ է»:
«Եվ ես հավանում եմ Հայաստանը… Նա [ Էմմին] երգում է «Բում-բում, չակա-չակա»: Իրոք լավն է: Կարող եմ հեշտությամբ հիշել այն… Պարզ է, բայց գրավիչ»,- ասել է երիտասարդ երգչուհին` սկսելով երգել «Բում-բում, չակա-չակա»-ն և պարային շարժումներ անել:
Այս օրերին տարբեր առցանց հետազոտություններ ցույց են տալիս, որ Էմմին առաջատարների թվում է և լավ հնարավորություններ ունի մայիսի 10-14-ը Գերմանիայի Դյուսելդորֆ քաղաքում կայանալիք «Եվրատեսիլի» մրցույթում:
Հետաքրքրական է, որ այս ամիս ավելի վաղ թողարկված «Բում-բումի» տեսահոլովակում նկարահանվել է բեռլինցի հայազգի պրոֆեսիոնալ բռնցքամարտիկ Արթուր Աբրահամը, որը 2009-ին ճանաչվել է Գերմանիայի լավագույն մարզիկ և շարունակում է որպես պրոֆեսիոնալ բռնցքամարտիկ մեծ ժողովրդականություն վայելել ինչպես Եվրոպայում, այնպես էլ աշխարհի շատ այլ երկրներում:
0 Response to '«Das ist Gut». Էմմիի «պարզ, բայց գրավիչ» «Եվրատեսիլի» երգն արժանանում է գերմանացի փոփ դիցուհու հավանությանը (տեսանյութ)'
Publicar un comentario