Գնահատումը անցկացվել է առանձին ընտանիքներում, միջնակարգ և հատուկ դպրոցներում, մանկապարտեզներում, այլ հիմնարկներում:
Ըստ անցկացված ծրագրի արդյունքների` ամենատարածվածը երեխաների դեմ ֆիզիկական բռնություն կիրառելու դեպքերն են, ավելի քիչ են երեխայի աշխատանքային շահագործման դեպքերը:
Հարությունյանն անհրաժեշտ է համարում նշել, որ հաճախ ֆիզիկական բռնությունը հասարակության մեջ համարվում է դաստիարակչական մեթոդ, ուստի պետք է հասարակության մեջ իրազեկության բարձրացման ուղղված միջոցառումներ իրականացնել:
Այս նպատակով` դաասընթացներ են սկսվել առայժմ 6 մարզերում: Յուրաքանչյուր քաղաքում ստեղծվել են 25-30 հոգանոց աշխատանքային խմբեր:
Երեխաների իրավունքների ոտնահարման բարձր մակարդակի պատճառ է հանդիսանում նաև աղքատության բարձր մակարդակը:
«Պակաս կարևոր չէ նաև մարդու իրավունքների պահպանմանն ուղղված հեռուստահաղորդումների բացակայությունը եթերից, ինչպես նաև բռնություն հրահրող բազմաթիվ ֆիլմերը»,- ասում է Աննա Հարությունյանը:
Գնահատումը ցույց է տվել նաև, որ երեխաների պաշտպանության ոլորտում կա օրենսդրական փոփոխություններ կատարելու անհրաժեշտություն:
Ծրագիրն իրականացվել է Եվրամիության, Բաց հասարակության ինստիտուտի հայկական մասնաճյուղի համատեղ ֆինանսավորմամբ:
0 Response to 'Ֆիզիկական բռնության կիրառումը երեխաների իրավունքների ամենատարածված ոտնահարումն է'
Publicar un comentario