ՆԱՏՕ-ն չի պատրաստվում մանդատ խնդրել ՄԱԿ-ից Լիբիայում ցամաքային օպերացիա իրականացնելու համար: ՆԱՏՕ-ն կշարունակի իր գործողությունները Լիբիայում ըստ նախատեսված գրաֆիկի և չի սկսի ցամաքային հարձակում, ինչի մասին հինգշաբթի օրը հայտարարել է Հյուսիսատլանտյան դաշինքի գլխավոր քարտուղար Անդրես Ֆոգ Ռասմուսսենը:
«ՄԱԿ-ի բանաձևը բացառում է ցամաքային գործողությունների իրականացումը, և մենք չենք պատրաստվում դա խախտել: Միևնույն ժամանակ, չենք էլ պատրաստվում դրա իրականացման համար մանդատ խնդրել», - ասել է Ռասմուսսենը Սլովակիայում տեղի ունեցած մամլո ասուլիսի ժամանակ: Այս մասին հաղորդում է Reuters գործակալությունը:
Նա ավելացրել է, որ տեղեկություն չունի Տրիպոլիից Քադաֆիի կնոջ և աղջկա փախուստի դիմելու հանգամանքի մասին, ինչպես նաև լիբիական նավթային ընկերության ղեկավարի: Մինչդեռ այսօր Լիբիայի փոխարտգործնախարար Խալիդ Քայիմը հերքել է նախօրեին որոշ լրատվամիջոցների կողմից տարածված այն հաղորդագրությունը, համաձայն որի՝ Լիբիայի առաջնորդ Մուամար Քադաֆիի կինն ու դուստրը լքել են Լիբիայի տարածքը: Քայիմը նաև հերքել է, որ նավթարդյունաբերության թիվ մեկ պատասխանատուն հատել է Թունիսի հետ սահմանը:
1in.am
0 Response to 'ՆԱՏՕ-ն ՄԱԿ-ից նոր մանդատ չի պահանջի'
Publicar un comentario