Ադրբեջանի նախագահ Իլհամ Ալիևը, փաստացի կոչ է արել միջազգային հանրությանը գնդակոծել Լեռնային Ղարաբաղն ու անվտանգության գոտին լիբիական սցենարով: Նման եզրակացության կարելի է հանգել ռուսական պետական «Ռոսիա-24» հեռուստաալիքին նրա տված հարցազրույցից:
Պատասխանելով լրագրողի հարցին` ղարաբաղյան հակամարտության խաղաղ կարգավորման հեռանկարների և այդ գործընթացում միջնորդների դերի մասին, Ադրբեջանի նախագահն ասել է, թե «ՄԱԿ-ի Անվտանգության Խորհուրդը 4 բանաձև է ընդունել Ադրբեջանի տարածքներից հայկական զավթիչ ուժերի դուրսբերման վերաբերյալ, և այդ բանաձեւերն առ այսօր չեն կատարվել»:
Ապա Ալիևն ասել է. «Երբ մենք տեսնում ենք, որ Լիբիայի վերաբերյալ Անվտանգության խորհրդի բանաձևերը սկսում են կատարվել դրանց ընդունումից բառացիորեն ժամեր անց, իսկ Լեռնային Ղարաբաղի մասին բանաձևերը չեն կատարվում 17-18 տարի, բնականաբար, հարց է ծագում, ո՞րն է նման օպերատիվության պատճառը, իսկ մեր դեպքում` նման պասիվությա՞ն»: Եթե հաշվի առնենք, որ արևմտյան կոալիցիայի ուժերը ավիահարվածներ են հասցնում Լիբիային` մեղադրելով այդ երկրի ղեկավարությանը ՄԱԿ-ի ԱԽ բանաձևերը չկատարելու մեջ, ապա Ալիևի հայտարարությունը կարելի է մեկնաբանել որպես Ղարաբաղում նման գորոծղությունների դիմելու կոչ:
Ալիևը նաև կոչ է արել Ռուսաստանի նախագահ Դմիտրի Մեդվեդևին ակտիվ դեր ստանձնել այդ հարցում:
/Իվան Ղարիբյան/
Աղբյուրը` news.am
0 Response to 'Ադրբեջանի նախագահը կոչ է արել միջազգային հանրությանը` գնդակոծել Լեռնային Ղարաբաղը լիբիական սցենարով'
Publicar un comentario