Քոփթաշը նշել է, որ Թուրքիայի լրագրողների միության և Ժամանակակից լրագրողների միության կազմած՝ Թուրքիայում սպանված լրագրողների ցուցակը թերի է և իր մեջ չի ներառում 1915 թվականին Օսմանյան կայսրությունում սպանված գրողներին ու լրագրողներին: Հենց այդ պատճառով էլ մինչև 2007 թվականը թուրքերը կարծում էին, թե Հրանտ Դինքից բացի, Թուրքիայում որևէ այլ հայ լրագրող չի սպանվել:
Ռագըփ Զարաքօլուն էլ «Թուրքիայի լրագրողների միությունից» պահանջել է սպանված հայ լրագրողների անունները ներառել համապատասխան ցանկում և նրանց համար տեղ հատկացնել Թուրքիայի մամուլի թանգարանում:
Հիշեցնենք, որ այս տարվա փետրվարին Ժամանակակից լրագրողների միությունն իր ինտերնետային կայքում Թուրքիայում սպանված լրագրողների ցանկում ներառել էր նաև 1915 թվականի Հայոց ցեղասպանության ժամանակ սպանված 9 հայ լրագրողների ու գրողների անունները: Դրանք են` Դանիել Վարուժանը, Սիամանթոն, Ռուբեն Սևակը, Գրիգոր Զոհրապը, Ռուբեն Զարդարյանը, Երվանդ Սըրմաքեշխանլյանը, Արմեն Դորյանը, Լևոն Լարենցը (Կիրիշչյան), Հովհաննես Հարությունյանը:
Աղբյուրը` 1in.am
0 Response to 'Թուրքիայի լրագրողների միությունից պահանջվում է սպանված լրագրողների ցանկում ընդգրկել բոլոր սպանված հայ լրագրողներին'
Publicar un comentario