Այս մասին, թուրքական Cihan գործակալության փոխանցմամբ, հայտարարել է «Ազգայնական շարժում» կուսակցության Էրզրումի նահանգային գրասենյակի նախագահ Զեքայի Քայան։
«Առաջին հայացքից հստակ երևում է, որ այդ դեկորացիան շատ նման է Երևանում կանգնեցված Ցեղասպանության հուշակոթողին։ Արդյո՞ք սա հայկական նախաձեռնության մաս չի կազմում։ Արդյո՞ք դա պատահականություն է։ Հուսով եմ՝ պատահականությունն է։ Սակայն դրա հեղինակները պետք է բացատրեն տեղի ունեցածը»,– հայտարարել է թուրք ազգայանականը՝ նշելով, որ իրենք համապատասխան քայլեր են իրականացնում տեղի ունեցածի լիարժեք պարզաբանման համար։ Հիշեցնենք, որ հունվարի 27-ից փետրվարի 6-ը Թուրքիայի Էրզրում քաղաքում անցկացվել են Համաշխարհային ուսանողական 25-րդ ձմեռային խաղերը։ Ունիվերսիադային մասնակցում էին 58 երկրներ ներկայացնող մոտ 3 հազար մարզիկներ։ Ունիվերսիադայի բացման արարողությանը մասնակցել են Թուրքիայի նախագահ Աբդուլլահ Գյուլը, վարչապետ Ռեջեփ Թայիփ Էրդողանը, Թուրքիայի Ազգային մեծ ժողովի նախագահ Մեհմեդ Ալի Շահինը և բարձրաստիճան այլ պաշտոնյաներ։
Աղբյուրը` http://www.zartnir.info
0 Response to 'Թուրք ազգայնականները պնդում են, որ Էրզրումի ունիվերսիադայի ժամանակ ներկայացվել է Հայոց ցեղասպանության հուշակոթողի նմանակը'
Publicar un comentario