Շնորհավորելով դեսպան Օբոլենսկուն՝ Հայաստանում բարեկամ Շվեյցարիայի առաջին ռեզիդենտ դեսպան նշանակվելու և Երևանում Շվեյցարիայի դեսպանության հիմնադրման կապակցությամբ, Էդվարդ Նալբանդյանն ասել է. «Հայ-շվեյցարական բարեկամությունն ունի երկարամյա պատմություն, հաճախ է խոսվում մեր երկրների միջև աշխարհագրական և պատմական ընդհանրությունների մասին:
Դեսպան Օբոլենսկին շնորհակալություն հայտնելով ջերմ խոսքերի և բարեմաղթանքների համար՝ վստահեցրել է, որ կանի առավելագույնը երկկողմ հարաբերությունները առավել ամրապնդելու և ընդլայնելու համար:
Նախարար Նալբանդյանն ու դեսպան Օբոլենսկին անդրադարձել են ՀՀ նախագահի հրավերով Շվեյցարիայի Համադաշնության նախագահի մարտի վերջին Երևան կատարելիք պաշտոնական այցելության նախապատրաստական աշխատանքներին, որի ընթացքում պաշտոնապես կբացվի Հայաստանում Շվեյցարիայի դեսպանատունը:
Ինչպես հայտնում են ԱԳՆ-ից, զրուցակիցները հանգամանալից քննարկեցին տարբեր բնագավառներում երկկողմ հարաբերությունների առավել ամրապնդմանն ու խորացմանն առնչվող հարցեր, մտքեր փոխանակեցին տարածաշրջանային խնդիրների շուրջ:
Թերթ.am
0 Response to 'Մարտի վերջին Երևան կայցելի Շվեյցարիայի նախագահը և կբացվի այդ երկրի դեսպանատուն'
Publicar un comentario