Բանակցության արդյունքում նրանք ընդունել են հայտարարություն, որում նշվում է, որ երեք նախագահները քննարկել են 2010 թվականի հոկտեմբերի 27-ին Աստրախանում տեղի ունեցած եռակողմ հանդիպման ընթացքում իրենց ընդունած հայտարարության գործնական իրականացման հարցերը: Մասնավորապես, նախագահները պայմանավորվել են կարճ ժամանակում ավարտել գերիների փոխանակումը:
Ընդգծեցին, որ քաղաքական-դիվանագիտական ճանապարհներով հիմնախնդրի կարգավորման համար անհրաժեշտ է լրացուցիչ քայլեր ձեռնարկել ռազմական ոլորտում փոխվստահության, նաև հրադադարի ռեժիմի ամրապնդման ուղղությամբ։
Եվ պայմանավորվածություն ձեռք բերեցին փոխանակել ռազմագերիներին և վերադարձնել դիակները և այդ պայմանավորվածությամբ առաջնորդվել նաև ապագայում։
Սոչիում մարտի 5-ին ընդունած համատեղ հայտարարության մեջ նշվում է նաև 'վիճելի բոլոր հարցերը խաղաղ ճանապարհով կարգավորելու ձգտման, ինչպես նաև շփման գծում հավանական միջադեպերը ԵԱՀԿ Մինսկի խմբի համանախագահների եւ ԵԱՀԿ գործող նախագահի անձնական ներկայացուցչի մասնակցությամբ հետաքննելու' մասին:
Նախագահները համատեղ հայտարարության մեջ նշել են նաև Ղարաբաղի հակամարտության կարգավորման հարցում իրենց պարբերական շփումների կարևորությունը, և պայմանավորվել են դրանք շարունակել ի լրումն ԵԱՀԿ Մինսկի խմբի աշխատանքի: Այդ մասին հայտնում է ՌԻԱ Նովոստին:
http://www.lragir.am
0 Response to 'Սոչիի հանդիպման արդյունքը'
Publicar un comentario