Բարեբախտաբար, սփյուռքի հայկական համայնքները ամեն ինչ անում են, մեր լեզուն, մշակույթը պահպանելու համար: Գործում են հայկական դպրոցներ, որոնց հիմնական նպատակն է հայաճանաչ դարձնել մեր փոքրիկ հայրենակիցներին, ծանոթացնել նրանց մեր դարավոր պատմությանը, գրականությանը և մշակույթին:
Կատալունիայի Հայկական միության “Արարատ” դպրոցը մի քանի տարվա պատմություն ունի: Հայ մանուկները, մեծ հաճույքով են գալիս դասերին և մայրենի լեզուն սովորելու մեծ ցանկություն են ցուցաբերում:
Երեկ, կանանց միջազգային օրվա`մարտի 8-ի կապակցությամբ, փոքրիկները իրենց ուսուցիչների ` Անիի, Արմինեի և Անդրանիկի օգնությամբ, գեղեցիկ բացիկներ էին պատրաստել մայրիկներին նվիրելու համար: Անաստասիան, Անրին, Ասյան, Վարդուհին, Սուրենը, Եվան, Մարիան, Ռաուլը, Հովսեփը, Լիլին, Հարությունը և Ալբերտը իրենց դողդոջուն փոքրիկ ձեռքերով իրենց առաջին հայերեն բառերն էին գրել` ուղղած սիրելի մայրիկներին: Պետք էր տեսնել փոքրիկների երջանկությունը և հրճվանքը, բացիկները մայրինկերին նվիրելիս…
Վերջում, Արարատ միության ներկայացուցիչները, ուսուցիչները, ծնողները և երեխաները իրենց խորին շնորհակալությունը հայտնեցին Անիին` իր կատարած հայրենանվեր ու անգնահատելի աշխատանքի համար:
Հեղինակ` Արմինե Ավետիսյան
0 Response to 'Սովորում ենք գրել հայերե´ն'
Publicar un comentario